ಮೌನ, ಮಾತಿನ ಪ್ರೀತಿಯ ತಿರುವು.

ಮೌನ, ಮಾತಿಗೆ, ಪ್ರೀತಿ ಚಿಗುರಿದೆ,
ಸರಸದೊಡನೆ ವಿರಸವಾಗಿದೆ, ಈಗ

ಮಾತು ಮಾತಿನಾ ನಡುವೆ

ಮೌನ ಮೌನದಾ ಒಳಗೆ

ಒಳಗೊಳಗೆ ಎಳೆ ಜಗಳ

ಮೌನಕ್ಕೆ, ಹುಸಿಕೋಪ, ಮಾತಿಗೆ ಒಣಜಂಭ

ಮೌನ ಮಾತಾಡಿತು, ಮಾತು ಮೂಕವಾಯಿತು,
ಮೂಕ ಮಾತಿನ ತಿಳಿಯಿತು ಮೌನ.

ಮೌನ ಮಾತಿನ ನಡುವೆ ಒಂದು ರಣರಂಗ

ಮೌನದ ಗದ್ದಲಕ್ಕೆ! ಕಳಚಿತು ಪ್ರೀತಿಯ ಬೆಸುಗೆ

ಆ ಪ್ರೀತಿ ಸಮಾಧಿ ಮುಂದೆ

ಕಣ್ಣೀರ ಸುರಿಸಿ ಕಣ್ಣುಗಳೆ ಬತ್ತಿ ಹೋದಾಗ

ಕುರುಡಾಯಿತು ಕಣ್ಣು, ಮೌನದ ಭಾವನೆಗಳು ಸತ್ತು ಹೋಯಿತು

ಅಂತರಾಳವು ತಿಳಿಯಿತು

ಮಧುರ,ಮೌನ ಮಾತಿನ ಪ್ರೀತಿಯ.

ಅಮರವಾಯಿತು ಪ್ರೀತಿ, ಭಾವನೆಗಳ

ನಕ್ಷತ್ರ ಚಿತ್ತಾರದಲಿ,

ಮಾತು ಮಾತಾಡಿತು, ಮೌನ ಮಾತಾಡಿತು,

ಮೌನ, ಮಾತು, ಪ್ರೀತಿಗೆ ಶರಣಾಯಿತು.